2020թ Ձեզ հետ հանդիպել եմ, պատմել, թե ինչ է եղել, խոստացել եք, որ հետաքննություն է լինելու, պատժվելու են, բայց այն սպաները, որոնք թողել ու փախել են՝ հիմա համ մեդալ ունի, համ ավելի բարձր աստղ։ Այդ երեխայից հիմա նորություն չկա, հավանաբար գերի է։ Հույս ունեմ, որ գոնե գերի լինի, որ սաղ լինի։ Հիմա այդ երեխան չկա՝ Հակոբյան Հակոբ Խաչիկի․․․ խաղաղության ենք գնում ուժեղ, բայց մենք գերի ունենք այնտեղ, ես գերի ունեմ այնտեղ, ի՞նչ խաղաղություն։ Այս մասին հայտարարեց բնակիչներից մեկը՝ դիմելով Նիկոլ Փաշինյանին։ Փոխանցում է «Փաստինֆո»-ն։
Վերջինս էլ արձագանքեց՝ նշելով, թե անազատության մեջ գտնվող անձանց վերադարձը հնարավոր է խաղաղության պայմաններում, ծնողն էլ հակադարձեց․ «Չգա՞ն գերիները, նոր՝ ձեռք ձեռքի սեղմենք, ասենք խաղաղություն, բարիշենք։ Գոնե երեխեքի տեղն ասեն, անուններն իմանանք»։ Փաշինյանն էլ, չթողնելով անհայտ կորածի հարազատին խոսքն ավարտել, անմիջապես հայտարարեց, թե խաղաղությունն այդ հարցում նպաստում է, ոչ թե՝ խանգարում։
«Վեց տարի է․․․»,- արձագանքեց ծնողը, ապա, արձագանքելով Փաշինյանի «ներողությանը», հայտարարեց․ «2021թ․-ին էլ ասեցիք՝ երկու ամիս գերիները թող սպասեն, ներեմ սպասեցին։ Վեց տարի անցավ»։ Նա նաև հայտարարեց, որ Փաշինյանը խոստացել էր, որ պատժվելու են այդ սպաները, բայց այդ մարդիկ անգամ կոչում են ստացել։
