Օգոստոսի 18‑ին Tashir Arena-ում՝ Երևանի կրկեսի նորացված շենքում, կայացավ առաջին միջոցառումը. բարեգործական համերգ՝ «Երեխաները՝ երեխաների համար» խորագրով։

Համերգը տեղի ունեցավ կրկեսի ոչ պաշտոնական բացման շրջանակում՝ որպես հատուկ միջոցառում, որը հնարավոր դարձավ «Տաշիր» բարեգործական հիմնադրամի նախագահ Սամվել Կարապետյանի անձնական նախաձեռնությամբ։

Իր 60‑ամյակը Սամվել Կարապետյանը որոշել էր նվիրել երեխաներին՝ ներկայացնելով երիտասարդ արտիստների համար պատրաստված նոր բեմը և տոն կազմակերպելով հատկապես նրանց համար, ովքեր առավելագույնս ջերմության և հոգածության կարիք ունեն:

Կարապետյանի խնդրանքով նոր Արենայի դռներն առաջին անգամ մեկ երեկոյով բացվեցին ավելի քան 1200 երիտասարդի համար ամբողջ Հայաստանից՝ Վանաձորից, Շիրակից, Հրազդանից, Արտաշատից, Արարատից, Երևանից և այլ քաղաքներից: Հրավիրվածների թվում էին բազմազավակ ընտանիքների երեխաներ, արցախցի ընտանիքներ, ինչպես նաև հայրենիքի համար իրենց կյանքը զոհաբերած հերոսների և ռազմական գործողությունների հետևանքով տուժած զինծառայողների երեխաներ:

Մանրամասները՝ տեսանյութում։