Եվրահանձնաժողովը ԵՄ երկրներին առաջարկել է մինչև 2026 թվականի վերջը Ուկրաինայի հետ անօդաչու թռչող սարքերի (ԱԹՍ) միություն ստեղծել, որի գլխավոր նպատակը կլինի դրանց արտադրության մասշտաբների մեծացումը։ Այս մասին Բրյուսելում կայացած մամուլի ասուլիսի ժամանակ հայտարարել է ԵՄ դիվանագիտական ծառայության ղեկավար Կայա Կալասը՝ ներկայացնելով Եվրամիության մարտունակության բարձրացման 2030 թվականի ճանապարհային քարտեզը, որը ենթադրում է համայնքի տնտեսության միլիտարիզացիա։

«Ուկրաինան պաշտպանության առաջին գիծն է։ Մինչև 2026 թվականի վերջը մենք մտադիր ենք Ուկրաինայի հետ ԱԹՍ-ների միություն ստեղծել՝ հենվելով ուկրաինական արտադրության փորձի վրա, ինչը թույլ կտա զգալիորեն նվազեցնել ծախսերը», — ասել է Կալասը։