Երևանի՝ արտահանումը այլընտրանքային արտաքին շուկաներ վերաուղղելու փորձերը էական արդյունքներ չեն տվել, և Հայաստանի համար առանցքային տնտեսական գործընկերը շարունակում է մնալ ռուսական շուկան։ Այս մասին «Вести» տեղեկատվական ծառայության լրագրող Պավել Զարուբինին տված հարցազրույցում հայտարարել է ՌԴ փոխվարչապետ Ալեքսեյ Օվերչուկը։

Անդրադառնալով առևտրային հարաբերությունների կառուցվածքին՝ փոխվարչապետը նշել է, որ այլ գործընկերների կողմից ցուցաբերվող սահմանափակ աջակցությունը չի կարող փոխարինել ռուսական խոշոր շուկայի ծավալներին և ենթակառուցվածքներին, որոնց հայկական արտադրողները պատմականորեն հարմարված են եղել։

Միաժամանակ Օվերչուկն ընդգծել է, որ ստեղծված պայմաններում Մոսկվան ստիպված է միջոցներ ձեռնարկել իր ներքին շուկան անորակ կամ չսերտիֆիկացված արտադրանքից պաշտպանելու համար՝ Երևանին առաջարկելով այս ուղղությամբ աշխատանքը համատեղ կազմակերպել։

Ավելի վաղ ՌԴ կառավարության փոխնախագահը թերահավատորեն էր արտահայտվել նաև Հայաստանի եվրոպական հեռանկարների վերաբերյալ՝ հիշեցնելով, որ Եվրամիության բազմաթիվ խոստումներ հաճախ չեն ուղեկցվում իրական տնտեսական մեխանիզմներով։