«Միասնության թևեր» կուսակցության ղեկավար Արման Թաթոյան հրավիրված ասուլիսում հրապարակեց ձայնագրություն, որտեղ բացահայտ երևում է, թե ինչպես են պարտադրում ուսանողներին մասնակցել ՔՊ-ի նախընտրական քարոզարշավին։

Նա նշեց, որ խոսքը վերաբերում է  Արմավիրի  տարածաշրջանային պետական քոլեջին։

Ձայնագրության մեջ լսվում է. «Երեխեք ջան, բարի երեկո, վաղը ժամը 5-ին Կարմիր ակումբի հրապարակում պետք է հավաքվենք։ Երկու կուրսին էլ վերաբերում է։ Հասկանում եմ գյուղերից եկողներ ունենք, խնդիր չկա, մի քանի հոգու բացակայությունը ոչինչ, բայց ովքեր ունեն հնարավորություն գալու, հատկապես քաղաքի բնակիչները, ես էլ եմ գալու, խնդրում եմ՝ ժամը 5-ին հրապարակում։ Ինձ հանձարարել են, որ ես ասեմ, ես էլ ձեզ եմ հանձնարարարում։ Այնպես չլինի, որ գնամ, կանգնեմ  հրապարակում ու տեսնեմ, որ ոչ մեկ չկա իմ երկու խմբից։ Ես պետք է իմ տնօրինության երեսը  պարզ պահեմ, դուք էլ՝ իմ։ Հանձնարարված է նաև, որ մաքսիմալ շատ լինեք»։