Եվրահանձնաժողովը հավանություն է տվել Ուկրաինային 6,1 միլիարդ եվրո հատկացնելու որոշմանը՝ սպառազինություն ձեռք բերելու համար։ Այս մասին ասվում է Եվրահանձնաժողովի հաղորդագրության մեջ։
«Ուկրաինայի Անկախության օրը Եվրոպան իր անսասան և գործնական աջակցությունն է ցուցաբերում։ Այսօր մենք հավանություն ենք տվել 6,1 միլիարդ եվրո հատկացնելու որոշմանը՝ հակաօդային և հակահրթիռային պաշտպանության համակարգերի, հրթիռների, զինամթերքի և ռադարների ձեռքբերման համար, որոնց կարիքը Ուկրաինան խիստ զգում է։ Ռուսական հարձակումների սրման պայմաններում մենք ակտիվացնում ենք մեր ջանքերը՝ օգնելու Ուկրաինային պաշտպանել իր ժողովրդին և օդային տարածքը։ Եվրոպան աջակցում է Ուկրաինային, և մենք նրան կտրամադրենք անհրաժեշտ ամեն ինչ, երբ դրա կարիքը լինի»,- նշվում է Եվրոհանձնաժողովի ղեկավար Ուրսուլա ֆոն դեր Լայենի հայտարարության մեջ։
