Եվրամիությունը շուրջ 90 միլիարդ եվրո է կորցրել՝ Իրանի շուրջ հակամարտության և Հորմուզի նեղուցում տիրող իրավիճակի պատճառով։ Այս մասին Եվրոպական խորհրդարանում Եվրոպական միության վիճակի մասին իր ելույթում հայտարարել է Եվրոպական հանձնաժողովի նախագահ Ուրսուլա ֆոն դեր Լայենը։ Հաղորդում է ՏԱՍՍ-ը:
«Հորմուզի նեղուցում հակամարտության սկզբից ի վեր ներկրվող հանածո վառելիքը մեզ վրա լրացուցիչ €90 միլիարդ է նստել։ Ընդ որում, մենք չենք ստացել էներգիայի և ոչ մի լրացուցիչ մոլեկուլ», — նշել է նա։
Ֆոն դեր Լայենի խոսքով՝ սրա հետ կապված ԵՄ-ն պետք է «կրկնապատկի ջանքերը սեփական մատչելի մաքուր էներգետիկայի զարգացման ուղղությամբ՝ լինեն դա վերականգնվող աղբյուրներ, ատոմային էներգետիկա, բիոմեթան, թե այլ տեխնոլոգիաներ»։ «Այս անկախությանն հասնելու համար մենք պետք է էլեկտրիֆիկացնենք Եվրոպան։ Մեր նպատակն է մինչև 2040 թվականը կրկնապատկել էլեկտրաէներգիայի մասնաբաժինը։ Դրա շնորհիվ Եվրոպան կկարողանա հանածո վառելիքի ներկրման ծախսերը կրճատել տարեկան €260 միլիարդով», — կարծում է Եվրահանձնաժողովի ղեկավարը։
