ԱԺ «Հայաստան» խմբակցության պատգամավոր Քրիստինե Վարդանյանը գրում է.
«Ո՞րն է Ալիևի պահանջած Սահմանադրությունն ունենալու Փաշինյանի միակ տարբերակը:
Այսօրվա Սահմանադրությունը արգելում է որևէ պարագայում փոփոխել Սահմանադրության նախաբանը (հետևաբար նաև դրանում առկա Անկախության հռչակագրի հղումը):
Այսօրվա Սահմանադրությունը հստակ սահմանում է, որ Սահմանադրության նախաբանը ևս մի քանի հոդված անփոփոխելի են: Դրանք չեն կարող փոփոխվել որևէ քվեարկության արդյունքում, այդ կետերը չեն կարող անգամ դրվել քվեարկության:
Իսկ Ալիևը պահանջում է փոխել հենց նախաբանը:
Հենց այդ պատճառով էլ Փաշինյանը մեջտեղ է բերել նոր Հանրապետություն ստեղծելու թեզը, որ հնարավորություն ունենա քվեարկության դնելու միանգամայն նոր տեքստ:
Այսինքն, այս ամբողջ արշավը, իրական Հայաստանի, նոր Հանրապետության մասին բոլոր խոսակցությունները բացառապես Ալիևի պահանջը հնարավորինս օրինական ճանապարհով իրականացնելու համար են:
