Հայ Առաքելական Եկեղեցու Տավուշի թեմից տեղեկացնում են․

«Սիրելի՛ հավատավոր եղբայրներ և քույրեր,

Մայր Եկեղեցու տոնացույցի համաձայն՝ սեպտեմբերի 28-ին կտոնենք Վարագա Սուրբ Խաչի տոնը, որն արդեն 14 դար մեր Սուրբ եկեղեցուց ներս անխախտ տոնակատարվում է։

Հրավիրում ենք ամենքիդ Նոր Վարագավանք (գ․ Վարագավան)՝ միասնական աղոթքի և երկրպագելու Սուրբ Խաչափայտի մասունքի առջև, որը, Ն․Ս․Օ․Տ․Տ․ Գարեգին Երկրորդ Ամենայն Հայոց Հայրապետի օրհնությամբ, այս տարի ևս մեկ օրով կհանգրվանի իր երբեմնի Սրբարանում՝ Տավուշի թեմի Նոր Վարագավանք վանական համալիրում։

• Ժամը 10։20-ին՝ Խաչերթով դեպի Նոր Վարագավանք,

• Ժամը 11։00-ին՝ Սուրբ և Անմահ պատարագ,

• Ժամը 13։00-ին՝ Անդաստանի կարգ։

Հավարտ Անդաստանի կունենանք մշակութային միջոցառում, որը կազմակերպել է «Տավուշ» հայրենակցական միությունը։

Տոնական համերգով հանդես կգան «Հորովել» համույթը, ինչպես նաև Բերդի տարածաշրջանի մշակութային խմբերը։

Վերջում կկատարվի մատաղի օրհնության կարգ և կմատուցվի բոլոր ներկաներին»։