«Հայ-թուրքական հարաբերությունները ես նկարագրել էի նաև իմ գրքում, հատուկ գլուխ կար այդ մասին։ Ուղղակի միգուցե հիշեցնեմ որոշ դրվագներ։ Երբ իշխանության եկավ Էրդողանի կուսակցությունը, այն ժամանակ արտգործնախարարը Աբդոլահ Գյուլն էր։ Անմիջապես իշխանության գալուց հետո Վարդան Օսկանյանի հետ առաջին հանդիպման բովանդակությունը հետևյալն էր․ մենք բոլոր հարևանների հետ հարաբերությունները պետք է կարգավորենք և Հայաստանի հետ սկսելու ենք առանց նախապայմանների, որովհետև մեր մոտեցումը հետևյալն էր. Հայ-թուրքական հարաբերությունները չպետք է պայմանավորված լինեն երրորդ երկրի հարաբերությունների հետ, Ադրբեջանի հետ:

Օսկանյանը այն ժամանակ շատ ոգևորված զանգեց, ինձ ասաց, որ այսպիսի բան կա, սա շրջադարձային ուղղակի փոփոխություն է մոտեցման: Ես ասացի ուղղակի հետևյալը Օսկանյանին, որ շատ լավ է, եթե այդպես է, բայց կարծում եմ նոր են, դեռ իրենք իրենց հայեցակարգը արտաքին հարաբերությունների չեն մշակել և ավելի շատ թարմ իշխանության եկած մարդկանց մոտեցումն է: Չեմ կարծում, որ Ադրբեջանը թույլ է տալու ու չեմ կարծում, որ դա լինելու է, դրա համար հրապարակային մի դարձրու այդ հանգամանքը, բայց շարունակեք բանակցությունները: Ուրեմն երկրորդ անգամ, երբ հանդիպեցին, մոտ երկու ամիս հետո, երկու-երեք ամիս հետո միջազգային ֆորումների շրջանակներում էր, շատ ավելի ուրիշ ձև էր արդեն, Գյուլը ասաց՝ գիտես վիճակը ավելի բարդ է, մենք գերագնահատեցինք մեր հնարավորությունները, մեր օպտիմիզմը, միգուցե ինչ-որ քայլեր կամաց-կամաց, փոքր քայլերով և այլն, և այլն: Օսկանյանն ինձ զանգեց, ասաց՝ բա այսպես է, ասացի՝ Վարդան, երրորդ անգամ ոնց որ լրիվ զրոյական էջին ենք գալու։ Երրորդ հանդիպման ժամանակ եկել ենք ճիշտ այն կետը, որից սկսում էինք և ինձ համար պարզ էր, որ հայ-թուրքական հարաբերությունները Թուրքիան միշտ կապելու է Ադրբեջանի հետ մեր հարաբերություններից»,- այս մասին «Մեծ քաղաքականություն» փոդքաստի յոթերորդ թողարկման ժամանակ ասաց ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։