Կառավարությունը ծրագիր է իրականացնում՝ պատմական Արտաշատ մայրաքաղաքի հնավայրի ամբողջ տարածքը քաղաքացիների և զբոսաշրջիկների համար հասանելի դարձնելու ուղղությամբ։ Այս մասին Համաշխարհային հայկական գագաթնաժողովի ընթացքում հայտարարել է Նիկոլ Փաշինյանը։
Խոսելով հայ-թուրքական հարաբերությունների և սահմանների ճանաչման մասին՝ Փաշինյանը հայտարարել է, որ այդ առումով խնդիր գոյություն չունի։
Փաշինյանի խոսքով՝ Հայաստանը և Թուրքիան առաջիկայում կարող են հաստատել դիվանագիտական հարաբերություններ՝ ճանաչելով միմյանց տարածքային ամբողջականությունն ու ինքնիշխանությունը։
«Համոզված եմ, որ Հայաստանը և Թուրքիան առաջիկայում դիվանագիտական հարաբերությունները կհաստատեն՝ ճանաչելով միմյանց տարածքային ամբողջականությունը, ինքնիշխանությունը և սահմանները»,- ասել է նա։
