ԱՄՆ նախագահ Դոնալդ Թրամփը կոչ է արել Disney և ABC հեռուստաընկերություններին անհապաղ աշխատանքից ազատել հեռուստահաղորդավար Ջիմի Քիմելին։
Նրա խոսքով՝ վերջինս, ԱՄՆ առաջնորդի դեմ մահափորձից առաջ, իր սքեթչում առաջին տիկին Մելանյա Թրամփին անվանել էր «ապագա այրի»։ Այս մասին Սպիտակ տան ղեկավարը գրել է Truth Social սոցիալական ցանցում։
Հեռուստահաղորդավար Ջիմի Քիմելը, որին աշխատանքից հեռացնելու կոչ էր արել ԱՄՆ նախագահ Դոնալդ Թրամփը, վստահեցրել է, որ Մելանյա Թրամփի «այրիանալու սպասումների» վերաբերյալ իր կատակը որևէ կապ չի ունեցել նրա ամուսնու դեմ տեղի ունեցած հետագա մահափորձի հետ, փոխանցում է «ՌԻԱ Նովոստի»-ն։
Զինված տղամարդը կրակ էր բացել այն հյուրանոցում, որտեղ ընթանում էր Սպիտակ տան թղթակիցների ասոցիացիայի ընթրիքը՝ Թրամփի և նրա տիկնոջ մասնակցությամբ: Հարձակվողին բերման են ենթարկել և մեղադրանք առաջադրել նախագահի դեմ մահափորձ կատարելու համար:
