ԱՄՆ նախագահ Դոնալդ Թրամփը հայտնել է այն մարդկանց անուները, ովքեր կմիանան Ուկրաինայի հարցով ԱՄՆ աշխատանքային խմբին և կաշխատեն Ռուսաստանի հետ։
«Աշխատանքային խումբը կկազմված լինի Սթիվ Ուիթքոֆից, Ջարեդ Քուշներից, գեներալ Քեյնից, Մարկո Ռուբիոյից և մի քանի այլ մարդկանցից, որոնց մենք պատրաստվում ենք ընդգրկել կազմում։ Կարծում եմ՝ Փիթ Հեգսեթը պետք է լինի այս աշխատանքային խմբում։ Նա շատ լավ գիտի այդ տարածքը։ Նա գերազանց է կատարում իր պարտականությունները, և հնարավոր է՝ նրանք ավելացնեն ևս մեկ կամ երկու մարդու։ Ուկրաինան նույնպես կունենա մի քանի շատ լավ մարդիկ, որոնք այսօր ներկա էին ճաշին»,- համատեղ ասուլիսի ժամանակ ասել է ԱՄՆ առաջնորդը:
Իր հերթին Զելենսկին հայտնել է, որ կարգավորման հարցով ուկրաինական աշխատանքային խմբի կազմում կընդգրկվեն Ազգային անվտանգության և պաշտպանության խորհրդի քարտուղար Ռուստեմ Ումերովը, Ուկրաինայի Զինված ուժերի Գլխավոր շտաբի պետ Անդրեյ Հնատովը և արտաքին գործերի նախարարի առաջին տեղակալ Սերգեյ Կիսլիցան։
