Մի քիչ զավեշտալի է այս քննարկումը ինձ համար, երբ որ դուք ներկայացնում եք, որ էկոհամակարգի պահպանությամբ զբաղվելու գործառույթները էկոպարեկների ընդլայնում եք, հստակեցնում եք։ Այս մասին այսօր՝ մարտի 3-ին, հայտարարեց ԱԺ «Հայաստան» խմբակցության պատգամավոր Ագնեսա Խամոյանը։
«Ես անմիջապես հիշեցի, որ դեռ այս ծառայությունը չստեղծված, անցած տարի Քննչական կոմիտեն տարածել է հաղորդագրություն, որ էկոպարեկները 18,3 կգ մարիխուանա տեսակի թմրամիջոց են փորձել իրացնել: Ես ճիշտ եմ հասկանում, որ հիմա մեզ միայն կարող է ուրախացնել այն, որ կանեփի տերևները կարմիր գրքում ընդգրկված չեն և կարող ենք երաշխավորել, որ կարմիր գրքում ընդգրկված բուսատեսակների և կենդանական աշխարհի ներկայացուցիչների պահպանությունը մեր էկոպարեկները բարեխղճորեն կկատարեն: Հարցս հետևյալն է: Չե՞ք կարծում արդյոք, որ այս ծառայությունը չստեղծված արդեն հեղինակազրկվել է»,- ասաց նա:
Մանրամասն՝ տեսանյութում։
