«Մենք, սիրելի հայրենակիցներ, միասին շատ դժվար, բարդ, բայց պատվավոր ճանապարհ ենք անցել, և հիմա, քարոզարշավի այս փուլում, «Հայաստան» դաշինքի առաջնորդի, Արցախի Հանրապետության առաջին նախագահի և Հայաստանի Հանրապետության երկրորդ նախագահի հետ եկել ենք Նոյեմբերյան՝ ձեզ հետ խոսելու խնդիրների, մտահոգությունների մասին, միասին գտնելու դրանց պատասխանները և ներկայացնելու մեր ծրագրային դրույթները։
Գիտենք, որ տարածաշրջանը կանգնած է բազմաթիվ խնդիրների առաջ։ Սակայն հիշենք, որ 90-ականների վերջին, երբ տնտեսությունը քայքայված էր, իսկ գյուղատնտեսությունը՝ գրեթե զրոյական վիճակում, շատ կարճ ժամանակում, արագ տեմպերով կարողացանք ոտքի կանգնել, զարգանալ, աշխատատեղեր ստեղծել։ Հատկապես Բագրատաշենի անցակետի հնարավորությունները նպաստեցին, որ այս տարածաշրջանը նոր շունչ ստանա, նոր բովանդակություն և նոր կյանք մտնի մեր առօրյա»,- այս մասին այսօր՝ հունիսի 2-ին, քաղաքացիների հետ հանդիպման ընթացքում հայտարարեց «Հայաստան» խմբակցության պատգամավոր Գառնիկ Դանիելյանը։
Մանրամասն՝ տեսանյութում։
