Լևոն Քոչարյանի օգնական Արթուր Սուքոյանը ֆեյսբուքյան իր էջում գրում է․
Այսօր «պաշտպանության» նախարար Սուրեն Պապիկյանը, անդրադառնալով որոշ ընդդիմադիր շրջանակների, հայտարարեց․ «Մեր ճանապարհը փակողների վրայով տրորելով անցնելու ենք»։
Պետության անվտանգությունը ձախողած, երկրի սահմանները խոցելի դարձրած, ադրբեջանական ներխուժումների ժամանակ լռած իշխանության ներկայացուցիչներն այսօր «տրորելու» մասին խոսում են բացառապես սեփական ժողովրդի հասցեին։
Պապիկյան, քեզ կողքից տեսե՞լ ես։ Դու ո՞ւր, տրորելը ո՞ւր։ Մի օր չտեսանք, որ նման խոսույթ կիրառեիր Գորիս–Կապան ճանապարհը փակող ադրբեջանցիների դեմ։ Մի օր չտեսանք, որ Ջերմուկ ներխուժած թշնամուն տրորելով անցնելու պատրաստակամություն ցուցաբերեիր։ Այնտեղ քո ամբողջ «համարձակությունը» ավարտվել է լռությամբ ու արդարացումներով։
Ամենազավեշտալին այն է, որ այսօր նման հռետորաբանությամբ հանդես եկողները՝ Սուրենը, Ալենը և այլոք, այն մարդիկ են, ովքեր մանկուց «տրորվել» են և երբեք ուժ կամ մինիմալ դիմադրողականություն չեն ցուցաբերել։
Մի խոսքով, Սուրեն, իմացիր՝ «լոխ»-ին սազական չէ մարդ տրորելուց խոսելը։
