«Հրապարակ»-ը գրում է, որ Նիկոլ Փաշինյանի ու ՔՊ-ի Կոտայքի քարոզարշավից հետո ԵԿՄ նախագահ, ՔՊ թեկնածու Սասուն Միքայելյանի որդի Մեխակ Միքայելյանը, ըստ լուրերի, մարզում տեռոր է սկսել։ Ասվում է, որ Փաշինյանի դժգոհությունից հետո Միքայելյաններն ընտանիքով խոստացել են ընտրություններին աննախադեպ թվեր։
Թերթի մարզային աղբյուրի պնդմամբ՝ հատկապես ակտիվ է Մեխակը, որի թիրախը տնտեսվարողներն են՝ մանր ու միջին բիզնեսը. նա անձամբ զրույցներ է վարում ու սպառնում՝ «եթե մեզ հետ չեք, լավ չի լինի»։ Սեւակ Միքայելյանը՝ Հրազդանի համայնքապետ, գործում է համայնքապետարանի ենթակայության հաստատությունների անձնակազմերի ուղղությամբ՝ դպրոցներ, մանկապարտեզներ։
