2026 թվականի ապրիլի 15-ին ժամը 10:30-ին ունենալու ենք դատական նիստ՝ Սամվել Կարապետյանի ակնհայտ ապօրինի քաղաքական քրեական հետապնդման վերաբերյալ: Այս մասին այսօր՝ ապրիլի 14-ին, հայտարարեց փաստաբան Արամ Վարդևանյանը։
«Գործընկերների հետ միասին այսօր մուտք ենք արել դիմում-միջնորդություն հասցեագրված պատվարժան դատարան դատավոր Դոլմազյանին առ այն, որ առաջնահերթության կարգով քննության առարկա դառնա խափանման միջոցի հարցը: Բացահայտեմ նաև պատճառաբանումը: Յուրաքանչյուր ժամ այլևս էական նշանակություն ունի Հայաստանում գալիք խորհրդարանական ընտրությունների տեսանկյունից:
2026 թվականի ապրիլի 21-ին «ուժեղ Հայաստան» կուսակցությունը հրավիրել է համագումար և առանցքային է, որ մինչ այդ համագումարը, որի օրակարգում հենց ընտրություններին վերաբերող հարցերն են, Սամվել Կարապետյանը հնարավորություն ունենա ամբողջությամբ մասնակցելու քաղաքական գործընթացին, որովհետև կուսակցության նախագահի մասնակցությունը առանցքային է»,- նշեց նա:
Մանրամասն՝ տեսանյութում։
