«Ռազմաբազայի պահը մի նրբություն ունի․ այս իշխանությունը, ըստ էության, փորձում էր ռազմաբազան օգտագործել որպես շանտաժի միջոց։ Այսինքն՝ «եթե սա չանեք, ռազմաբազան կհանենք»։ Ռուսները, ըստ էության, այդ խաղաքարտը վերցրեցին Փաշինյանի ձեռքից։ Դե, էլ ի՞նչ էր մնում իրեն, իհարկե, հայտարարել այն, ինչի մասին բազմաթիվ անգամ հայտարարել են Թուրքիան ու Ադրբեջանը։ Ըստ էության, կարող եք պարզապես ազգանունները փոխել՝ օրինակ՝ ադրբեջանցի կամ թուրք փորձագետների, և Փաշինյանի՝ ռազմաբազայի վերաբերյալ հայտարարությունները, ու ամեն ինչ իր տեղը կընկնի։
Հասկանո՞ւմ եք, խաղաղության իբր թե պատրանք, իլյուզիա է ստեղծվում։ Կրկնում եմ՝ իբր թե, որովհետև խաղաղություն չկա։ Ուզում են թուրքերի ու ադրբեջանցիների հետ 168 հատ թուղթ ստորագրեն, մեկ է՝ չկա, որովհետև մյուս կողմի՝ Թուրքիայի և Ադրբեջանի նպատակը խաղաղության այն մոդելն է, որտեղ մենք չկանք կամ կանք, օրինակ, «Արևմտյան Ադրբեջան» խոսույթի ներքո»,- այս մասին դատարանի դիմաց լրագրողների հետ զրույցում ասաց վերլուծաբան Արման Աբովյանը։
Մանրամասները՝ տեսանյութում։
