Ռուսաստանը պատրաստ է իր ներդրումն ունենալ Երևանի ու Բաքվի միջև հարաբերությունների կարգավորման հարցում: «Իզվեստիա»-ի հաղորդմամբ, ասել է ՌԴ ԱԳ փոխնախարար Միխայիլ Գալուզինը։
Դիվանագետը ընդգծել է, որ դրան հասնելու հիմնական ուղղություններն ուրվագծվել են Ռուսաստանի, Հայաստանի և Ադրբեջանի ղեկավարների 2020 և 2022 թվականների եռակողմ համաձայնագրերում։
Մենք ենթադրում ենք, որ այս ուղղություններով էլ պետք է առաջ շարժվել՝ խաղաղության պայմանագրի նախապատրաստում, տնտեսական կապերի և տրանսպորտային կապուղիների ապաշրջափակում, սահմանների սահմանազատում՝ հաջորդող սահմանագծմամբ, Հայաստանի ու Ադրբեջանի քաղհասարակության ու խորհրդարանների միջև երկխոսության հաստատում։
Եվ, իհարկե, ռուսական կողմը, իբրև եռակողմ պայմանավորվածությունների մասնակից, պատրաստ է հետագայում ևս իր ներդրումն ունենալ դրանց իրագործման հարցում։ Բնականաբար, այն ձևով, ինչպես հարմար կլինի երկու կողմին»,- ասել է նա։
