ԱՄՆ Եվրոպական հրամանատարությունը հաստատել է ռուսական Mariner նավթատարի կալանավորումը Ատլանտյան օվկիանոսում։
«Նավը կալանավորվել է Հյուսիսային Ատլանտիկայում՝ ԱՄՆ դաշնային դատարանի կողմից տրված օրդերի համաձայն», — ասվում է Եվրոպական հրամանատարության հայտարարության մեջ:
Դրանում ներգրավված են եղել մի շարք ամերիկյան Pilatus U-28A Draco հատուկ նշանակության ինքնաթիռներ։
Արևմտյան լրատվամիջոցների տվյալներով՝ ԱՄՆ-ն փորձում է առգրավել Իսլանդիայի և Ֆարերյան կղզիների միջև գտնվող ռուսական դրոշի ներքո նավարկող նավթատար նավը։ Նախկինում տանկերը կոչվում էր Bella 1, սակայն հետագայում փոխել է իր դրոշը և դարձել ռուսական նավ։
Ռուսաստանի ԱԳՆ–ն հետևում է իրավիճակին և այն անվանել է աննորմալ։
