«Շուտով կլրանա 19-րդ օրը, ինչ Արցախի Հանրապետության առաջին նախագահ և Հայաստանի Հանրապետության երկրորդ նախագահ Ռոբերտ Քոչարյանը կալանքի տակ է։ Ես, ևս մեկ անգամ դիմելով մեր հանրությանը, ուզում եմ ասել, որ նա կալանավորված չէ ո՛չ կոռուպցիայի, ո՛չ մտածածին թալանի, ո՛չ «Հոկտեմբերի 27»-ի, ո՛չ էլ «Մարտի 1»-ի համար․ նա կալանավորված է իր պարտականությունները կատարելու համար։ Այսինքն՝ ի պաշտոնե լինելով Հանրապետության նախագահ՝ պարտավոր էր վավերացնել Կառավարության որոշումները և ուրիշ տարբերակ չուներ․ իր պաշտոնավարման տարիների ընթացքում չի եղել Կառավարության որևէ որոշում, որը նա վավերացրած չլինի։
Կուզենայի զուգահեռ տանել այսօրվա իրականության հետ․ երբ Կառավարության որոշմամբ՝ չզեկուցվող հարցերի շրջանակում, Երևան քաղաքի համար ձեռք են բերվում ավտոբուսներ (հայտնի «Zhongtong» ավտոբուսները), գումարը վճարում են, այդ ավտոբուսները գալիս են, ու պարզվում է՝ մի նստատեղ պակաս է, շարժիչի հզորությունն ուրիշ է, քաշը՝ մոտ 600 կգ-ով ավելի ծանր, ինչը հետագայում բերելու է վառելիքի հավելյալ ծախսի։ Փոխանակ դրա համար ինչ-որ մեկը դատվեր կամ պատասխանատվություն կրեր, Կառավարության որոշմամբ բերում, սղացնում են՝ ասելով, թե ամեն ինչ նորմալ է, ու դրա տակ ստորագրում է Նիկոլ Փաշինյանը»,- այս մասին հրավիրված ասուլիսում ասաց «Հայաստան» դաշինքի պատգամավոր Մեսրոպ Մանուկյանը։
Մանրամասն՝ տեսանյութում։
