«Հայաստանի ի՞նչ ուկրաինացման մասին կարող է խոսք գնալ։ Հայաստանը քաղաքակիրթ երկիր է»,-ասաց ՌԴ ԱԳ նախարար Սերգեյ Լավրովը՝ պատասանելով լրագրողի հարցին։
Նա ասաց, որևէ պատճառ չի տեսնում Հայաստանի ուկրաինացման համար։
«Հայաստանը մեր ընկերն է, դաշնակիցն է, Հայաստանը ռուսաց լեզուն չի արգելում և այլն։ Որևէ երկրում որևէ լեզվի արգելք չկա, այն դեպքում, երբ այդ լեզվով խոսում է քո բնակչության մեծամասնությունը։ Ուկրաինան այս առումով ունիկալ պետություն է»,- ասաց Լավրովը։
Արձագանքելով լրագրողի այն դիտարկմանը, որ Ադրբեջանը Հայաստանի դեմ ռուսական զենքեր է կիրառել, Լավրովը նախ հիշեցրեց, որ Հայաստանը նույնպես անկախություն ձեռք բերելուց հետո օգտագործել է ռուսական զենք։
«Շատ երկրներում կա մեր զենքը։ Դա չի նշանակում, որ այդ զենքը օգտագործվում է այն նպատակներով, որոնք համահունչ կլինեին բոլորին ձեռնտու սկզբունքներին», — նշեց ՌԴ արտգործնախարարը։
Մանրամասները՝ տեսանյութում։
