Նիկոլ Փաշինյանը ամենամեծ վտանգն է՝ պատերազմ սկսելու տեսանկյունից։ Այս մասին «Մեծ քաղաքականություն» փոդքասթի ժամանակ ասաց ՀՀ երկրորդ նախագահ Ռոբերտ Քոչարյանը։
«Ինքը ամենամեծ վտանգն է, որովհետև այսօր հնարավորություն ունենալով երաշխավորված խաղաղություն ունենալ՝ ինքը անում է ամեն ինչ, որ այդ խաղաղությունը ոչ թե լինի երաշխավորված, այլ կախված լինի Իլհամ Ալիևի տրամադրությունից»,- ասաց նա։
Մեկնաբանելով այն, թե ի՞նչ է նշանակում արժանապատիվ խաղաղություն՝ իր պատկերացմամբ, ՀՀ երկրորդ նախագահը նշեց․
«Արժանապատիվ խաղաղությունը հենց այն խաղաղությունն է, որը ենթադրում է երաշխավորված խաղաղություն, որ ես ստիպված չեմ լինելու այդ խաղաղությունը պահելու համար ամեն անգամ անհասկանալի զիջումների գնալ, սահմանադրություն փոխել, Ալիևը մեզ հայհոյի՝ հանկարծ չպատասխանես։ Արժանապատիվը սա է։ Հենց արժանապատիվ խաղաղությունը նշանակում է երաշխավորված խաղաղություն, որը մուրճի պես կախված չի քո գլխին, որ անընդհատ դու մտածես՝ հանկարծ մի այնպիսի բան չանես, որ Ալիևը կարող է այլ կերպ մեկնաբանի և սկսի պատերազմ։ Սա անարժանապատիվ խաղաղություն է։ Հիմա արժանապատիվ խաղաղությունը սրա մասին է, ոչ թե պատերազմ սկսելու մասին»։
Մանրամասն՝ տեսանյութում։
