Նիկոլ Փաշինյանը այցելել է Բայանդուր բնակավայրի մանկապարտեզ:

«#500իցմեկը՝ Բայանդուրը ևս նորակառույց մանկապարտեզ ունի»,- սոցցանցում տեսանյութին կից գրել է վարչապետը:

Տեսանյութում երևում է, որ մանկապարտեզում շրջայցից հետո Փաշինյանը հանդիպել է տեղի բնակիչների հետ։

Բնակիչներից մեկը տուն ունենալու խնդիր էր բարձրացրել և աջակցություն էր ակնկալում։ Նիկոլ Փաշինյանը նախ հիշեցրեց, որ տարբեր սոցիալական ծրագրեր է կառավարությունն իրականացնում, այդ թվում հիպոթեքային ծրագիր. «Ուզում եմ մենք իրար ճիշտ հասկանանք, մարդը սովորական պայմաններում, երբ որ պետությունը պարտավորություն չունի և կոնկրետ սոցիալական խմբի ներկայացուցիչ չի, ինքը ո՞նց է տուն ունենում։ Աշխատում է, ստեղծում է, տուն է ունենում, ժողովուրդ ջան, հիպոթեք են վերցնում, մի քիչ աշխատում են, փակում են։ Եկեք մտածենք, ի՞նչ անենք, որ ձեզ օգնենք, որ ձեր եկամուտները ավելանան»,–ասաց Փաշինյանը։