Փաշինյանը հուլիսի 22-ին նախատեսում է առաջին «հանրահավաք-հարձակումը» Մայր Աթոռի դեմ. «Հրապարակ»

20 Հուլիսի, 2025

«Հրապարակ»-ը գրում է.

Վերջին օրերին նույնպես Նիկոլ Փաշինյանը գրառումներ է անում Հայ առաքելական եկեղեցու դեմ, իսկ վերջին գրառման մեջ նշել էր` «պատրաստվեք հանդիպման Էջմիածնի հրապարակում»:

Մեր աղբյուրներն ասում են, որ Փաշինյանը հուլիսի 22-ին նախատեսում է առաջին «հանրահավաք-հարձակումը» Մայր Աթոռի դեմ և իր համակիրներին, ՔՊ- ական շարքերին պատրաստվում է հավաքել Էջմիածնում՝ նպատակ ունենալով շարժվել դեպի Վեհարան։

Ըստ աղբյուրների, այդ օրը հատուկ է ընտրվել, քանի որ վարչապետը հնգօրյա արձակուրդում է գտնվում` հուլիսի 18-ից մինչև 23-ը։

Սա մանիպուլյատիվ քայլ է՝ փորձում է ցույց տալ, թե ինքը հանդես է գալիս ոչ թե որպես պետական գործիչ, վարչապետ, այլ որպես հավատացյալ շարքային քաղաքացի Նիկոլ Փաշինյան, ով մտահոգված է կաթողիկոսի կուսակրոնության հարցերով։

Իրականում, ըստ մեր ստացած տեղեկատվության, Եկեղեցու դեմ նախաձեռնվող այս քայլերը ծրագրվում են հենց վարչապետի աշխատակազմում։

Կարելի է ասել` աշխատակազմը վերջին ամիսներին այլ բանով չի զբաղվում, քան քաղաքական հետապնդումները, վարչապետի Փիառը, վարչապետի դեմ քննադատությնը չեզոքացնելը:

Ըստ մեր աղբյուրի՝ հուլիսի 7-ին և դրանից մի քանի օր առաջ վարչապետի կաբինետում հանդիպումներ են կայացել որոշ մարդկանց հետ, որոնք համարվում են «ընտրյալ գրոհայիններ»։

Փաշինյանը անձամբ է հանդիպել նրանց հետ, քննարկել է երթի և արշավի կազմակերպման, Կաթողիկոսին գահազրկելու հնարավոր սցենարները։

Հանդիպումներին մասնակցել է նաև Հանրային Հեռուստատեսության եթերում ելույթ ունեցած կարգալույծ հոգևորականներից մեկը, ով բացահայտ քննադատում է Հայ Առաքելական Եկեղեցին և Վեհափառ Հայրապետին։

Այդ հոգևորականը աջակցություն է հայտնել ներկայիս իշխանությանը, ներկայանալով որպես գործող վարդապետ, թեև հաջորդ օրը սոցիալական ցանցերում տարածվեց նրա կարգալույծ լինելու մասին տեղեկատվությունը։

Խոստանում ենք առաջիկայում առավել մանրանասն ներկայացնել այս հակաքրիստոնեական դավադրության մասին:

Ըստ մեր աղբյուրի՝ հանրահավաքին և երթին միանալու են նաև կազմակերպված խմբեր, որոնք ներգրավված են այս գործընթացին:

Ամեն խումբ ունի իր ղեկավար մարմինը` կազմված հիմնականում կարգալույծ հոգևորականներից ու ՔՊ-ի ներկայացուցիչներից։ Այս գործընթացը համակարգվում է վարչապետի աշխատակազմի ղեկավար Արայիկ Հարությունյանի կողմից:

Երթը, ըստ նույն տեղեկությունների, կվարի անձամբ Փաշինյանը՝ Էջմիածնի հրապարակից դեպի Մայր Աթոռ Սուրբ Էջմիածին։ Ըստ մեր աղբյուրի, իշխանությունը պատրաստվում է օգտագործել նաև պետական լծակներ՝ ապահովելու համար տպավորիչ արշավանք:

Երթին կմասնակցեն նաև քաղաքացիական հագուստով ոստիկաններ, անվտանգության ուժերի ներկայացուցիչներ, համայնքային աշխատողներ և աղանդավորական խմբերի անդամներ։

Նրանց նպատակը հանձնարարված է վերահսկել և չեզոքացնել քաղաքացիների դիմադրությունը և դիմակայել հոգևորականների հնարավոր հակազդեցությանը։

 

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...