Պետականության հետ կապված հարցերի շուրջ սակարկություն չի կարող լինել․ Գեղամ Մանուկյան 

2 Նոյեմբերի, 2026

Այսօր՝ նոյեմբերի 2-ին, խորհրդարանական ճեպազրույցների ընթացքում լրագրողը ԱԺ «Հայաստան» խմբակցության պատգամավոր Գեղամ Մանուկյանից հետաքրքրվեց՝ ինչ քայլերի է պատրաստվում դիմել ընդդիմությունը, եթե իշխանությունը Սահմանադրության այնպիսի նախագիծ ներկայացնի, որ ընդդիմությունը դժվարանա դեմ քվեարկել, իսկ կողմ քվեարկելու դեպքում էլ նրա նկատմամբ հանրային ճնշում գործադրվի։ Հարց հնչեց նաև՝ արդյոք հնարավոր է, որ «Հայաստան» դաշինքի առաջնորդի ազատությունը դառնա «Հայաստան» խմբակցության վեց կողմ քվեարկության գինը։

«Սահմանադրության այս էպոպեան Հայաստանում վերջին երկու-երեք տարիների ընթացքում մի բան է փաստում՝ Նիկոլ Փաշինյանի բերանում ճիշտ խոսք չկա։ Դա իրար հաջորդող ստախոսությունների մի ամբողջ հավաքածու կարելի է համարել, որովհետև նա պարբերաբար տարբեր ձևերով է արդարացրել Սահմանադրության նոր նախագիծ ունենալու անհրաժեշտությունը։ Մի պատճառաբանություն էր բերում, թե 2018 թվականին եմ խոսել Սահմանադրության մասին, և այսպես շարունակ։ Քաղաքական բանավեճ եղավ նույնիսկ Ազգային ժողովում, հիշում եմ՝ Ռուբեն Ռուբինյանի և Քրիստինե Վարդանյանի միջև, թե երբ է Նիկոլ Փաշինյանը խոսել Սահմանադրության փոփոխության անհրաժեշտության մասին։ Վերջում հասանք մի կետի, երբ Արարատ Միրզոյանն ուղղակի բացահայտ ասաց. «Գիտե՞ք, Սահմանադրության նոր նախագիծը Ադրբեջանի պահանջն է»։

Եվ այդ ամբողջ ընթացքում նաև անկախության հռչակագրի նկատմամբ Նիկոլ Փաշինյանի՝ տարիների ընթացքում տված գնահատականները։ Այսինքն՝ ավելի ակնառու իրար հակասող գնահատականներ մեկ հարցի շուրջ դժվար է պատկերացնել համաշխարհային քաղաքական պատմության մեջ։ Ամենաբարձր դիֆերամբներից հասել ենք նրան, որ անկախության հռչակագիրը պետականության դեմ է։

Ինչ վերաբերում է կողմ կամ դեմ լինելուն, Ռոբերտ Քոչարյանն իր անցած ուղով, անցնող ութ տարիների ընթացքում, հակառակ բոլոր քաղաքական հետապնդումներին, որևէ վայրկյան չընկրկելով, ինչպես նաև «Հայաստան» խմբակցությունն իր անցած հինգ տարիների գործունեությամբ փաստել են, որ համազգային, պետականության հետ կապված հարցերի շուրջ սակարկություն չի կարող լինել։

Ինչ վերաբերում է այսօր Նիկոլ Փաշինյանի արած հայտարարությանը, ապա դա իրականում պետական հեղաշրջման մասին հայտարարություն էր։ Փաշինյանն ամեն օր իր դեմ հետագայում հարուցվելիք քրեական գործերին նոր հոդվածներ է ավելացնում։

Շատ կարևոր է ինստիտուցիոնալ հիշողությունը։ Այն, ինչ այսօր ասում է Նիկոլ Փաշինյանը, ուզում եմ հիշեցնել, որ տեղի է ունեցել 2018 թվականի հոկտեմբերի 2-ին, երբ Ազգային ժողովն ուղղակի շրջափակվեց և գրավվեց Փաշինյանի կողմնակիցների կողմից։

Բայց նաև պետք է ասեմ մի բան․ Նիկոլ Փաշինյանը խոսում է Հայաստանի Հանրապետության օրենքների դեմ, որովհետև Հայաստանի Հանրապետության օրենսդրության համաձայն՝ Ազգային ժողովի պատգամավորների վրա ճնշման միջոցով իրականացված քվեարկությունը չի կարող լեգիտիմ լինել»,- պատասխանեց Մանուկյանը։

Մանրամասն՝ տեսանյութում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...