Դամասկոսում տեղի ունեցած երկու պայթյունները տեղի են ունեցել Ֆրանսիայի նախագահ Էմանուել Մակրոնի հանգրվանած հյուրանոցի շուրջ սահմանված անվտանգության գոտուց դուրս և սպառնալիք չեն ներկայացրել ֆրանսիացի առաջնորդի կյանքին։ Այս մասին հայտնել է Սիրիայի ներքին գործերի նախարարությունը։
«Պայթյունը տեղի է ունեցել Ֆրանսիայի նախագահի հանգրվանած հյուրանոցի անվտանգության գոտուց դուրս և անմիջական վտանգ չի ներկայացրել նրա, նրան ուղեկցող անձանց, ինչպես նաև պաշտոնական այցի ծրագրի համար, որը շարունակվում է նախատեսված ժամանակացույցին համապատասխան»,– նշված է ՆԳՆ հայտարարության մեջ, որը տարածել է SANA գործակալությունը։
Հայտարարության մեջ հստակեցվում է, որ ինքնաշեն ռումբերը պայթել են այն բանից հետո, երբ «դրանք հայտնաբերվել են անվտանգության ուժերի կողմից, և ՆԳՆ մասնագետները ձեռնամուխ են եղել դրանց վնասազերծմանը»։
