Ադրբեջանի կողմից օկուպացված Քաշաթաղի գյուղերից մեկում երեկ՝ սեպտեմբերի 25-ին տրակտորը պայթել է ականի վրա․ Այս մասին հայտնում են ադրբեջանական ԶԼՄ-ները։
Տրակտորի ղեկին եղել է 1992թ. ծնված Գուլիև Սադայօղլուն, սակայն նա վնասվածքներ չի ստացել։
Երեկ ՄԱԿ-ի ամբիոնից Ադրբեջանի ԱԳ նախարար Ջեյհուն Բայրամովը հայտարարել է, որ Արցախում ներկայում ապրում, սովորում և աշխատում է ավելի քան 90,000 մարդ: Նա նշել է, որ ականների վտանգը շարունակում է մնալ բնակչության վերադարձի լուրջ խոչընդոտ:
ՄԱԿ պաշտոնական կայքի փոխանցմամբ, նա ասել է, որ 2020 թվականից ի վեր ականների հետևանքով մահացել է ավելի քան 400 մարդ, իսկ վերջին երեք տասնամյակների ընթացքում ընդհանուր թիվը գերազանցել է 3500-ը: Նա նաև կոչ է արել պարզել հակամարտության հետևանքով անհետ կորած գրեթե 4000 ադրբեջանցիների ճակատագիրը՝ դա անվանելով հաշտեցման և կարգավորման կարևոր նախապայման:
