«Տիկին Գալյան, գիտեք, ձեր պատասխանները, մեղմ ասած, անհանգստացնող են։ Դուք հանդիսանում եք հանրային իշխանությունը ներկայացնող անձ, ով սահմանափակված է մարդու իրավունքներով․ դուք եք կաշկանդված իրավունքի գերակայությամբ։ Երբ ասում եք, որ 2019 թվականից խոսվում է «Նուբարաշեն» քրեակատարողական հիմնարկի փակման մասին, 20-ին խոսվում էր, 21-ին խոսվում էր, 22-ին խոսվում էր, 24-ին էլ, 25-ին էլ, հիմա եկել ենք 26 թվականին, ու դուք էլի խոսում եք դրա փակման մասին, բայց դա չի փակվել․․․ Ավելին, դուք հայտնեցիք, որ հենց դուք եք արել, կեցցեք, սեյսմիկ հետազոտություն եք պատվիրել և ասում եք, թե դա կարող է քանդվել։ Մի հատ էլ, կներեք, անկեղծորեն եմ ասում, ձեր մոտ ապրումակցման զգացում նույնիսկ չկա․ այնտեղ մարդիկ են գտնվում։ Այսինքն, երբ ասում եք՝ ինչ անեմ, տանեմ տուն, թե ուրիշի տուն և այլն, կներեք, այդ հարցի հասցեատերը իսկապես դուք եք»,- այս մասին ԱԺ-ում ասաց «Ուժեղ Հայաստան» խմբակցության պատգամավոր Արամ Վարդևանյանը։
Մանրամասն՝ տեսանյութում։
