«Երբ ձեռնարկատիրական գործունեությամբ զբաղվող ընկերության տարածքը խուզարկությանը հաջորդող ժամանակահատվածում կապարակնքվում է, և ձևական առումով դա քողարկվում է իբրև իրեղեն ապացույց ճանաչելով, դա, մեղմ ասած, իրավունքի գերակայությունից չի բխում: Որովհետև դուք, օրինակ, ձեր խոսքում նշում էիք, որ տարիներ առաջ մի դեպքով, օրինակ, իրեղեն ապացույցը… հա՞, հենց բառակապակցությունը, որը, օրինակ, հանցանքի գործիքներ կամ զենքեր են և այլն. չի կարող, չէ՞, օրինակ, շենք-շինությունը լինել իրեղեն ապացույց:
Պատկերացրեք՝ այդ դեպքում ստացվում է, օրինակ, եթե մի վայրում տեղի է ունեցել հանրության համար վտանգավոր մի արարք, օրինակ՝ խուլիգանություն, և քննիչները կամ իրավապահ մարմինների այլ ներկայացուցիչներ գալիս ու կատարում են վարույթային գործողություն, դրանից հետո այդ շենքը պետք է փակե՞ն: Միշտ այդպե՞ս պետք է լինի: Այդ դեպքում, ուրեմն, փողոցներն էլ պետք է փակվեն, երբ փողոցում մի դեպք է լինում»,- այս մասին ԱԺ-ում ասաց «Հայաստան» խմբակցության ղեկավար Աննա Գրիգորյանը՝ դիմելով ՔԿ պետին։
Մանրամասն՝ տեսանյութում։
