Եթե Հայոց ցեղասպանության ճանաչման վերաբերյալ Նեթանյահուի դիրքորոշումը ավելին է, քան իր հանցագործությունները տակտիկականորեն քողարկելու փորձը, ապա այն պետք է ամրապնդվի կոնկրետ գործողություններով։ Այս մասին ասված է Ամերիկայի Հայ ազգային կոմիտեի (ANCA) գործադիր տնօրեն Արամ Համբարյանի հայտարարության մեջ։
«Հաշվի առնելով Ադրբեջանի կողմից Արցախի հայ-քրիստոնյա բնակչության շրջափակմանն ու ցեղասպանությանը տրամադրած նրա աջակցությունը, ինչպես նաև Երուսաղեմի հայկական քրիստոնեական թաղամասին ուղղված մշտական սպառնալիքները, ինչպես նաև Գազայի հատվածում միջազգային իրավունքի լուրջ խախտումները, որոնք նման են Ադրբեջանի կողմից Արցախի էթնիկ զտումներին՝ պետք է ուղեկցվեն Ադրբեջանի հետ Իսրայելի ռազմական դաշինքի կտրուկ խզումով։
Բացի այդ, նա պետք է նաև հանրային ճնշում գործադրի Թուրքիայի վրա՝ Հայոց ցեղասպանության ժխտումը դադարեցնելու և արդարադատության ապահովմանը խոչընդոտելու համար», — ասել է Համբարյանը։
