««Հայաստան» խմբակցությունը կլրացնի 28 պակասող ստորագրությունը։ Երբ որ նախաձեռող խումբը կգա, կմոտենա մեզ, պակասող՝ մեր 28 ստորագրությունը կտանք»,- ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արմենուհի Կյուրեղյանը։
Լրագրողի դիտարկմանը, այսինքն մինչև պակասող 8 ստորագրությունը չլինի, «Հայաստան» խմբակցությունը չի՞ մինանա անվստահության գործընթացին, Կյուրեղյանն ասաց. «Մինչև նախաձեռնողը չմոտենա մեզ իր փաստաթղթով, ընդհանրապես ստորագրություն չի լինի»։
Ինչ վերաբերում է առաջադրված թեկնածուին, «Հայաստան» խմբակցության պատգամավորն ասաց.
«Նախաձեռնությունը «Պատիվ ունեմ» խմբակցությանն է, իրենք քաղաքական պատասխանատվություն են կրում այդ գործընթացը սկսելու, այդ թեկնածուին առաջ քաշելու։
Մենք՝ որպես իրար հետ համագործակցող ընդդիմադիր ուժեր, պետք է ամեն ինչ միասին անենք, որպեսզի հնարավորության դեպքում օր առաջ ազատվենք այս ազգադավ, պետականաքանդ իշխանություններից, առավել ևս վարչապետից։ Այնպես որ, պատասխանատվությունը նախաձեռնող կողմին է՝ «Պատիվ ունեմ»-ինը, մենք խոստացել ենք՝ իրենց կաջակցենք այդ գործընթացն առաջ տանելու համար, քանի որ մեկ ընդհանուր նպատակի է ծառայում՝ ազատել երկիրն այս ազգադավ պետականաքանդ վարչապետի ու իր թիմից»։
Մանրամասն՝ տեսանյութում։
