Լիտվայի իշխանությունների՝ Սահմանադրությունից միջուկային զենքի տեղակայումն արգելող դրույթը հանելու մտադրությունն էսկալացիայի նոր փուլ կլինի, հայտարարել է ՌԴ նախագահի մամուլի քարտուղար Դմիտրի Պեսկովը։
«Սա կարելի էր կանխատեսել։ Դա էսկալացիայի և լարվածության առումով շատ լուրջ փուլ կլինի։ Չէ՞ որ եթե դուք ձեր տարածքում միջուկային զենք եք տեղակայում, ապա այն ուղղված է ինչ-որ մեկի դեմ»,- ասել է Պեսկովը՝ ռուսական Առաջին ալիքին տված հարցազրույցում։ «Ակնհայտ է, որ այդ զենքը դեպի արևմուտք ուղղված չի լինի, այն ուղղված կլինի դեպի արևելք, այսինքն՝ մեր դեմ։ Եվ եթե տարածքում լինի մեր դեմ ուղղված միջուկային զենք, ապա, համապատասխանաբար, այդ երկրի տարածքը նույնպես կհայտնվի մեր միջուկային զենքի թիրախում»,- հավելել է Պեսկովը։
