«Ես ուզում էի այս երկու օրերի ընթացքում փորփրել, գտնել՝ վերջապես Հայկ Կոնջորյան քաղաքական գործիչը ինչո՞վ է հայտնի, ինչո՞վ է մնալու մեր պատմության մեջ, որոնք են նրա քաղաքական կարիերայի ամենացայտուն դրվագները։
Բացի տարբեր կուսակցություններ փոխելուց՝ Հայկ Կոնջորյանն առաջինը հայտնի դարձավ մեր հանրությանը, երբ այս ամբիոնից ասաց, որ Իրանը ավտորիտար կառավարում ունեցող երկիր է։ Հետո, երևի, շատ արագ հուշեցին իր ֆրակցիայի, իր գործընկերները, թե ինչ անիմաստ հայտարարություն է արվել։ Դրա համար Կոնջորյանը ներողություն խնդրեց։
Կոնջորյանը հինգ տարիների ընթացքում ընդդիմությանը ամենաշատ ու ամենասուր պիտակավորած քաղաքական գործիչներից է և, երևի, դրա համար էլ արժանացել է այս առաջխաղացմանը։ Դե, ՔՊ-ի արժեհամակարգին համապատասխան՝ քաղաքական հակառակորդներին որքան թիրախավորում ու վիրավորում ես, կապ չունի՝ այլ ինչ արժանիքներ ունես ընդհանրապես»,- այս մասին այսօր՝ օգոստոսի 4-ին, հայտարարեց ԱԺ «Հայաստան» խմբակցության պատգամավոր Քրիստինե Վարդանյանը։
Մանրամասն՝ տեսանյութում։
