«Հիմա՝ ֆունդամենտալ հարցին։ Դուք Ձեր ելույթում էլ ասացիք, որ խորհրդարանի և նաև Ձեր պրոֆիլային հանձնաժողովի անկյունաքարային հարցը լինելու է Սահմանադրության հարցը։
Ես ուզում եմ՝ շատ հստակ ասեք՝ արդյո՞ք այդ նոր տեքստի մեջ, որը հայ ժողովուրդը չի տեսել, Անկախության հռչակագրին հղումը հանված է, թե՞ ոչ։
Ժամկետների մասով՝ ինչո՞ւ են այդ փոփոխությունները տեղի ունենում։ Մարտի 1-ին պետք է հրապարակվեր, հիմա ասում եք՝ մինչև տարվա վերջ։ Հանգամանքներով պայմանավորված է այդ փոփոխությունը։
Եվ անկյունաքարային հարցը, որ տիկին Վարդանյանը հնչեցրեց. գիտե՞ք, երբ որ Դուք ասում եք՝ «մենք կգանք, Ձեզ կհամոզենք, կփորձենք խոսել» և այլն, միգուցե այդ դաշտը բաց լինի, օրինակ, Հարկային օրենսգրքի շուրջ քննարկումների ժամանակ, սոցիալական ինչ-որ ծրագրերի շուրջ քննարկումների ժամանակ, բայց սա կարմիր գիծ հանդիսացող քննարկում է։
«Հայաստան» դաշինքը, որին քվեարկել է մոտ 150 հազար Հայաստանի Հանրապետության քաղաքացի, չի լիազորել, որ մենք գանք և կողմ քվեարկենք, մեր դիրքորոշումը, գիտեք, «Ալիևյան Սահմանադրության»-ը։
Հետևաբար, իսկապես ես չեմ հասկանում՝ ինչ տրամաբանությամբ եք ակնկալում, որ երկու երրորդը չունենալու բերումով դուք կարող եք այդ հարցը դնել հանրաքվեի»,- այս հարցն է ուղղել ՔՊ-ական Արուսյակ Ջուլհակյանին ԱԺ «Հայաստան» խմբակցության ղեկավար Աննա Գրիգորյանը։
Մանրամասն՝ տեսանյութում։
