Գերմանիայի կանցլեր Ֆրիդրիխ Մերցը հայտարարել է, որ Ռուսաստանի և Ուկրաինայի միջև պատերազմում հրադադար է ակնկալում, հաղորդում է Bild-ը։
«Ես մեծ հույս ունեմ, որ այս շաբաթավերջին Ուկրաինայում հրադադարի համաձայնագիր կկնքվի», — այսօր Բրյուսելում ասաց նա։
Դիվանագիտական ջանքերը խթանվել են Հաղթանակի օրվա հիշատակի միջոցառումների ֆոնին Վլադիմիր Պուտինի կողմից հայտարարված Մոսկվայի միակողմանի եռօրյա «դադարով»։ Այն ուժի մեջ մտավ մայիսի 8-ի գիշերը։ Միևնույն ժամանակ, Կիևը չէր համաձայնում զինադադարի առաջարկվող ձևին։ Նրանք, ինչպես Վաշինգտոնը, պահանջում են 30-օրյա հրադադար։
Նույն մոտեցումը պաշտպանեցին Մեծ Բրիտանիան, Ֆրանսիան և Լեհաստանը։ «Մենք պատրաստել ենք համատեղ կոմյունիկե, որը հիմնականում համընկնում է ամերիկյան առաջարկի հետ։ Հիմա գնդակը Մոսկվայի դաշտում է», — պարզաբանեց Մերցը։
