ԱՄՆ-ի և Մեծ Բրիտանիայի միջև տարաձայնություններ են առաջացել Ուկրաինայում պատերազմի և Իրանի դեմ Վաշինգտոնի հնարավոր նոր ռազմական գործողությունների կապակցությամբ: Այս մասին հայտնում է Bloomberg գործակալությունը:
Նշվում է, որ հոկտեմբերի 23-ին ԱՄՆ նախագահ Դոնալդ Թրամփը հեռախոսազրույց է ունեցել Մեծ Բրիտանիայի վարչապետ Էնդի Բըրնեմի հետ:
Թրամփը հայտնել է, որ կողմերը համառոտ անդրադարձել են միջազգային հակամարտություններին, սակայն զրույցի մանրամասները չի բացահայտել:
Գործակալության տվյալներով՝ բրիտանացի պաշտոնյաները մտահոգված են, որ ԱՄՆ-ը կարող է պատրաստվել Իրանի դեմ նոր ռազմական գործողության: Նրանք կարծում են, որ նման քայլը կարող է էլ ավելի դժվարացնել էներգակիրների մատակարարումները և ուժեղացնել ինֆլյացիոն ճնշումը:
Աղբյուրների փոխանցմամբ՝ բրիտանական կառավարությունը նախապատվությունը տալիս է իրանական հարցի դիվանագիտական, այլ ոչ թե ռազմական լուծմանը:
Գործակալությունը նշում է, որ Թրամփն ակնարկել է Մերձավոր Արևելքում նոր ռազմական գործողությունների հնարավորության մասին նոյեմբերին ԱՄՆ-ում կայանալիք միջանկյալ ընտրություններից հետո:
Միևնույն ժամանակ Մեծ Բրիտանիան փորձում է ազդել Վաշինգտոնի դիրքորոշման վրա նաև ուկրաինական հարցում: Լոնդոնը հասնում է նրան, որ ԱՄՆ-ը կոշտ դիրքորոշում չընդունի Ուկրաինայի նախագահ Վլադիմիր Զելենսկիի նկատմամբ:
