Տարբեր ուժեր, ինչպես նաև ՀՀ-ում, փորձում են ներկայացնել իրավիճակ, իբրև Արցախի հարցը փակված է, ինչին մեր վճռական անհամաձայնությունն ենք հայտնում․ արցախցի պատգամավոր
«ՀՀ-ում փորձում են ներկայացնել իրավիճակ, իբրև Արցախի հարցը փակված է, ինչին մեր վճռական անհամաձայնությունն ենք հայտնում»,- Շվեյցարիայի դեսպանատան առջև հրավիրված հավաքին հայտարարեց Արցախի Հանրապետության Ազգային ժողովի նախագահի պարտականությունները կատարող Գագիկ Բաղունցը։
«Մենք պայքարել և պայքարելու ենք մեր պատմական հայրենիք մեր հավաքական վերադարաձի համար»,-ասաց նա։
Բաղունցը շնորհակալություն հայտնեց Շվեյցարիայի իշխանություններին, ժողովրդին, որոնք աջակցում են Արցախի հիմնախնդրի արդարացի լուծմանը։
«Մենք այսօր խնդրանք-նամակով դիմում ենք Շվեյցարիայի իշխանություններին։ Մարտի 18-ին տեղի ունեցող վերին պալատի համապատասխան նիստին քննարկումների արդյունքում ակնկալում ենք դրական որոշում, բանաձև ընդունվի, որ Արցախի հիմնախնդիրը մնա միջազգային արտյաններում օրակարգային հարց և ժամանակի ընթացում ստանա արդարցի լուծում»,- ասաց պատգամավորը։
Նա նշեց, որ Շվեյցարիայի խորհրդարանի վերին պալատի որոշումից հետո կառավարությունը պարտավոր է լսումներ կազմակերպել և կոնկրետ քայլերի դիմել։
Մանրամասն՝ տեսանյութում։
