Անհետ կորած զինծառայողների ծնողներն այսօր՝ ապրիլի 7-ին, լուռ բողոքի ակցիա են իրականացնում կառավարության շենքի դիմաց:
«Այս լուռ ակցիան նրա համար է, որ ասենք, որ մենք չենք նշում տոներ, մեզ համար տոներ չկան, մեր տոնը մեր երեխեքն են։ Տիկին Ռուզաննան ասաց՝ Արմինե ջան, ուզում եմ անպայման ծաղիկներ նվիրեմ բոլոր մայրերին, խնդրեցի, որ ոչ, չնվիրեք, մեզ պետք չեն, մեզ ուրիշի նվիրած ծաղիկները պետք չեն, մեզ մեր տղաներն են պետք։ Մենք մեր տղաներին ենք ուզում, մեր տղաներից ենք ուզում ծաղիկներ ստանալ:
Մեր տղաները գտնվում են Ադրբեջանի բանտերում ու այս կառավարությունը ոչինչ չի անում նրանց բերելու համար, մեզ անընդհատ ստում են, խաբում են, թե ինչու չեն աշխատում, դե վրիպակ է եղել: Այս վրիպակների պատճառով մենք այսօր ենք ընկել:
Այս լուռ ակցիան նրա համար է, որ հայ մայրը արցունքն աչքերին, ցավն ու տառապանքը է սրտում, սպասում է իր որդու վերադարձին։ Մեզ համար չկան տոներ։
Մենք մարտի 8-ին էլ էինք այստեղ, ապրիլի 7-ին էլ, մենք Նոր տարին եկեղեցում ենք նշում: Մեզ համար չկա ուրախություն, մեր ճակատագրերը, մեր երեխաների ճակատագրերը խեղաթյուրել են: Հանուն հայ ազգի գնացել, կռվել են ու այսօր ոչինչ չեն անում նրանց վերադարձնելու համար, հասկանու՞մ եք։ Ո՞նց ապրի այս մայրը, ո՞նց հանգիստ մնա իր տան մեջ, երբ չգիտի իր որդին ինչ վիճակում է»,- լրագրողների հետ զրույցում նշեց ծնողներից մեկը:
Մանրամասն՝ տեսանյութում:
