«Փաստ»-ը գրում է, որ գրեթե ամեն օր հաղորդվում է Հայաստանից Ռուսաստան և Ռուսաստանի տարածքով ԵԱՏՄ այլ պետություններ արտահանվող մի շարք հայկական ապրանքների (կարտոֆիլ, սմբուկ, չրեր, ձկնամթերք, ծաղիկներ, խաղող, բալ, ծիրան, սալոր, դեղձ, նեկտարին և այլն) նոր սահմանափակումների մասին՝ ծանր հարված հասցնելով արտահանողներին ու գյուղատնտեսներին։
Նշվում է, որ վերջին երկու օրերին Բավրայի և Բագրատաշենի անցակետերը պարբերաբար փակվում են, հայ-վրացական սահմանին լարված է։ Վարորդներն, ջերմոցների սեփականատերերն ու ֆերմերները բողոքում են, որ չեն կարողանում արտահանել ԵԱՏՄ շուկաներ։
Ըստ պարբերականի, դժգոհությունները տարածված են ողջ երկրով։ Ֆերմերները, որոնցից շատերը չեն ներկայանում՝ վախենալով ճնշումներից, ասում են, թե ԵՄ արտահանման մասին իշխանությունների խոստումները փուչիկ են, իսկ կառավարությանն ու էկոնոմիկայի նախարարությանը զանգերին պատասխանը՝ կամ չկա, կամ «տեղյակ չենք, իրավասու չենք», քանի որ «բոլորը մեկնել են ճակատ», քարոզարշավի են։
