Մհեր Մելքոնյանը ֆեյսբուքյան իր էջում գրում է.
Հայաստանի գործող հակապետական իշխանությունը ձեռնամուխ է եղել հերթական վտանգավոր արկածախնդրությանը՝ այս անգամ թիրախավորելով Հայաստանի էներգետիկ կայունության ողնաշարը՝ ՀԷՑ-ը։
Վերջին օրերին պետական կառույցների և իշխանության ներկայացուցիչների կոորդինացված գործողությունները ՀԷՑ-ի նկատմամբ չունեն ոչ իրավական, ոչ էլ տնտեսական հիմնավորում։
Սա ոչ թե կարգավորման գործընթաց է, այլ՝ բացահայտ քաղաքական ճնշում՝ ուղղված Հայաստանի էներգետիկ անկախության և մասնավոր սեփականության դեմ։
Այս իշխանությունը շարունակում է խարխլել պետականության հիմնասյուները՝ ժողովրդին մատուցելով դա որպես «բարեփոխում»։ Սակայն մենք բոլորս գիտենք՝ սա հերթական լռիվ ծրագրված գործընթաց է՝ տնտեսությունը վերահսկելու, ընդդիմադիր կապիտալը վերացնելու և քաղաքական դաշտը մաքրելու նպատակով։
Ցանկացած գործողություն, որն ուղղված է էներգետիկ համակարգի սեփականության ապօրինի վերաբաշխմանը կամ վերահսկողության կեղծ արդարացումներով կենտրոնացմանը, վտանգում է մեր երկրի ազգային անվտանգությունը և ներդրումային միջավայրը։
Արցախը թշնամուն հանձնեցին «խաղաղության» անվան տակ, հիմա էլ ուզում են տնտեսության էներգետիկ սեկտորը քանդել՝ «լավության» անվան տակ։
