Սիլվա Սարգսյանը 10 տարուց ավել է, ինչ Մեղրու արևաշող հովտում աճած կառալյոկից չիր է պատրաստում: Նրա և մեղրեցիների պատրաստած չիրը դարձել է ոչ միայն քաղաքի խորհրդանիշ, այլ նաև՝ համեղ և յուրօրինակ բրենդ։
Իր քաղցրությամբ աչքի ընկնող միրգը մինչև չիր դառնալը մշակման մի քանի էտապով է անցնում: Աշնան կեսին արդեն հասած, մեղմ քաղցրության կառալյոկները հավաքելուց հետո սկսում են չորացման ծեսը։
Ալյուրանման դիմափոշին բնական է, վստահեցնում է Սիլվա Սարգսյանը , մրգի քաղցրության հետևանքով առաջացած։
Մեղրու չիրը տարբերվում է իր քաղցրությամբ և օգտակարությամբ: Գաղտնիքը միայն այս տեղանքին հատուկ եղանակային պայմանների մեջ է:
Իրացման խնդիրը տարբեր ճանապարհներով են լուծում: Զբոսաշրջիկները նույնպես օգտվում են մեղրահամ բերքից:
Սվետլանա Խաչատրյանի ընտանիքը թեև բնակվում է բազմաբնակարան շենքում, բայց սարի լանջին այգի է հիմնել, արքայանարինջ աճեցրել: Նրանք բերքի իրացման խնդիրը դժվարանում են լուծել: Այնինչ, համայնքի ղեկավար Խաչատուր Անդրեասյանը հակառակն է պնդում, իրացման խնդիր չկա համայնքում:
Մանրամասն՝ տեսանյութում։
