Ես երբեք ավելի ազատ չեմ եղել, քան այս 50 օրը։ Այս մասին իր գործով դատական նիստի ժամանակ ասաց Շիրակի թեմի առաջնորդ Միքայել արքեպիսկոպոս Աջապահյանը։
«Ես 12 տարեկանում կամավոր սահմանափակել եմ իմ ազատությունը՝ մտնելով հոգևոր ասպարեզ։ Վախեցնել կամավոր ազատությունը սահմանափակած անձին անազատությամբ՝ ծիծաղելի է։ Ես շնորհակալ եմ Աստծուն, որ տվեց ինձ այս հնարավորությունը հասկանալու, թե ինչպես կարելի է թվացյալ անազատության մեջ լինել լիակատար ազատ։
Իշխանության նպատակը մեզ խոշտանգելն էր և մեղադրող կողմի ներկայացրածը նա է, որ շարունակեն խոշտանգել, բայց չեք հաջողի, մենք չենք խոշտանգվի։
Ես այն կեցվածքը չունեմ, որ պիտի խնդրեմ մեղադրող կողմին կամ հարգարժան դատարանին, որ մեզ բաց թողնեն։ Ես ոչ մի հանցանք այս աշխարհում, այս երկրի դիմաց և այս պետության առջև չեմ արել։
1990 թվականի հունվարի 2-ի լույս 3-ի գիշերն անդրբեջանցիներն ինձ գերեվարեցին, սա շատ քչերը գիտեն։ Իմանալով, որ ես վերադառնում եմ Գետաշեն գյուղից, ուր գնացել էի ուղղաթիռի վթարի զոհվածների թաղում անելու, կես ժամ անց ինձ բաց թողեցին։ Ադրբեջանցիներն ինձ չեն կալանավորել, չեն կալանավորել սովետական իշխանությունները, որոնց միշտ քննադատել եմ, չեն կալանավորել ՀՀՇ-ականները, որոնց նույնպես քննադատել եմ․ չեն կալանավորել Քոչարյանի իշխանությունը, Սերժ Սարգսյանի իշխանությունը, որոնց միշտ քննադատել եմ։ Պետք է հասներ «լուսավոր, այս հեղափոխական, դեմոկրատիկ» երկիրը, որպեսզի ես կալանավորվեի իբրև հանցագործ»,- նշեց սրբազանը։
Մանրամասն՝ տեսանյութում։
