Արամ Վարդևանյանի ելույթը Գյումրիում՝ «Ուժեղ Հայաստան»-ի հանրահավաքին․ «Սիրելի գյումրեցիներ, սիրելի՛ իմ հայրենակիցներ,
Ուզում եմ թվարկել երեք պատմական դաս, որ Գյումրին տվել է մեզ բոլորիս. ողբերգական, անասելի աղետից չընկրկել, համախմբվել ու վերականգնվել և ապացուցել բոլորին, որ սա մեր երկիրն է, սա մեր հայրենիքն է։ Ձեր թասիբով՝ ցավը տանեմ։
Սիրելի գյումրեցիներ, այս մարդիկ ութ տարի է՝ իշխանություն են, ութ տարի ամեն մի հոգսի ու դժվարության պատասխանատուն ու մեղավորն են, բայց գալիս են ամեն մի հավաքի, խոսում են այնպես, ինչպես նոր են եկել իշխանության։
Ես գիտեմ մի բան հստակ. գյումրեցին, Շիրակի մարզի մեր հայրենակիցները շատ լավ գիտեն, թե որն է ճիշտը և որն է ութ տարի շարունակվող սուտը։ Դրա համար ասում ենք՝ փոփոխությունները գալիս են։ Այո՛։
Ժողովուրդ ջան, ութ տարի առաջ ձեզ խոստացել էին, որ աղետի գոտու հարցը պետք է լուծվի, որ Հայաստանում աղքատության հարցը պետք է լուծվի։ Դրանցից ոչ մեկը չեն արել, ու այդ պայմաններում գալիս են, գյումրեցու առաջ կանգնում են, հերթական, իբր, խոստումն են տալիս։
Մենք ի՞նչ ենք ասում։ Մենք ասում ենք՝ ունենք կոնկրետ ծրագրեր՝ 300 000 աշխատատեղից մինչև հարկային բարեփոխում, մինչև ծայրահեղ աղքատության վերացում։ Եվ այդ ամենը երաշխավորում է մեկ մարդ՝ Սամվել Կարապետյանը։
Դրա համար, նաև գտնվելով Գյումրիում, մենք պետք է ասենք՝ ազատություն բոլոր քաղբանտարկյալներին, ազատություն»։
