«Ժողովուրդ» թերթը գրում է.
«Ըստ «Ժողովուրդ» օրաթերթի տեղեկությունների՝ երեկ՝ Մարտուն Գրիգորյանի երկար սպասված հայտարարությունից հետո, ՔՊ-ում աժիոտաժ է սկսվել, քանի որ հայտարարում էին, թե Վարդան Ղուկասյանը միայնակ չկարողացավ անցնել, և ընդդիմությանը միավորվելու դեպքում միայն ի վիճակի եղավ հասնելու մի քաղաքապետի ընտրության։
Այս իրադարձությանն անդրադարձ է կատարել նաև վարչապետի մամուլի խոսնակ Նազելի Բաղդասարյանը, սպառնացել՝ ասելով, թե Ղուկասյանի ընտրվելու դեպքում թեժ իրավիճակներ են սպասվում և ապա ավելացրել է՝ «գյումրեցու գլխից մազ պակասեց՝ դուք եք պատասխան տալու»։ ՔՊ-ականները միաբերան քաղաքացիներին էին մեղադրում, թե խաբվեցին:
Այսպիսով, թեև իշխանությունը քննադատում է ընդդիմությանը, որ իրենց դեմքով չեն ներկայացել ընտրություններին, խաբել են, սակայն, հարկ ենք համարում արձանագրել, որ իշխանությունն էլ խուսափեց ՔՊ-ի դեմքով ներկայանալուց, «բերեց» «Լուսավոր Հայաստան» խմբակցության նախկին պատգամավոր, անարատ կենսագրությամբ Սարիկ Մինասյանին։ Իհարկե, Փաշինյանի գահավիժող վարկանիշով իշխանությանը չփրկեց անգամ Սարիկ Մինասյանի անարատ անցյալը, որովհետև գյումրեցին, և ընդհանրապես ողջ հանրությունը գիտակցում է, որ իշխանությունն այլևս չի տիրապետում իրավիճակին։
Նրանց չընտրվելու համար մարդիկ պատրաստ են անգամ Վարդան Ղուկասյանին հետ բերել»։
Մանրամասները թերթի այսօրվա համարում։
