Կառավարության վաղվա որոշմամբ պետք է փոփոխություն կատարի Հայաստանի Հանրապետության քննչական կոմիտեի կարգապահական հանձնաժողովի կազմում։ Այս մասին փոխանցում է ArmLur.am-ը: Կայքի տեղեկություններով Քննչական կոմիտեի կարգապահական հանձնաժողովում կառավարության ներկայացուցիչ կնշանակվի վարչապետի աշխատակազմի իրավաբանական վարչության պետի տեղակալ Նաիրա Ճնգրյանը։ Նա այդ պաշտոնում կնշանակվի երեք տարի ժամկետով։
Փաստացի, իշխանությունը վերադասավորում է Քննչական կոմիտեի կարգապահական հանձնաժողովում կառավարության ներկայացվածությունը՝ այդ գործառույթը երեք տարով վստահելով վարչապետի աշխատակազմի իրավաբանական վարչության ղեկավար կազմի ներկայացուցիչ Նաիրա Ճնգրյանին։
Նշենք, որ Հանձնաժողովը քննարկում է կարգապահական վարույթ հարուցելու մասին միջնորդությունները և որոշումներ է ընդունում։
Առավել ուշագրավ է հանձնաժողովի դերը կարգապահական խախտումների վերաբերյալ որոշումների կայացման գործընթացում։ Օրենքով սահմանված դեպքերում հանձնաժողովը քվեարկությամբ որոշում է՝ կա՞ արդյոք կարգապահական խախտման փաստ, մեղավո՞ր է արդյոք տվյալ ծառայողը, և համապատասխան միջնորդության դեպքում՝ հնարավո՞ր է նրա նկատմամբ կիրառել «պաշտոնից ազատում» կարգապահական տույժը։
Այսինքն՝ հանձնաժողովի սեղանին կարող են հայտնվել քննիչների նկատմամբ բավական ծանր կարգապահական հետևանքներ ենթադրող հարցեր՝ ընդհուպ մինչև պաշտոնից ազատման հնարավորությունը։
Հանձնաժողովը բաղկացած է 8 անդամից․ դրա կազմում ընդգրկվում են Քննչական կոմիտեի նախագահի տեղակալներից մեկը, վիճակահանությամբ ընտրված երեք քննիչ և կառավարության նշանակած չորս ներկայացուցիչ։ Անդամները նշանակվում են երեք տարի ժամկետով։ Օրենքը միաժամանակ ամրագրում է, որ հանձնաժողովի անդամներն անկախ են, և նրանց գործառույթների իրականացմանը միջամտությունն արգելվում
