Իրանի հարավում՝ Պարսից ծոցի ափին գտնվող Բանդար Աբբաս քաղաքում բնակելի համալիրում պայթյուն է տեղի ունեցել, որի հետևանքով զոհվել վիրավորվել է 14 մարդ և զոհվել է չորսամյա մի աղջիկ, հաղորդում է Fars-ը։ Միջադեպի պատճառը հետաքննվում է։
Իրանական Mehr լրատվական գործակալությունը հայտնել է Ահվազ քաղաքի բնակելի համալիրում տեղի ունեցած պայթյունի մասին։ Չհաստատված հաղորդագրությունները վկայում են չորս մարդու մահվան մասին։
Մեկ այլ պայթյուն է գրանցվել Թեհրանից հարավ-արևմուտք գտնվող Փարանդ քաղաքում։
Նախնական հաղորդագրությունները ցույց են տալիս, որ միջադեպը տեղի է ունեցել Իրանի ռազմաօդային ուժերի բազայում։ Այս դեպքում պայթյունի պատճառը դեռևս չի բացահայտվել, և պաշտոնական մեկնաբանություն չի արվել։
Բացի այդ, հաղորդագրություններ են հայտնվել Թավրիզ և Արդաբիլ քաղաքներում տեղի ունեցած պայթյունների մասին։ Մանրամասները ճշտվում են։
