Քաղաքագետ Արա Պողոսյանի ֆեյսբուքյան գրառումը. «ԱՄՆ-ի հետ բանակցություններում Իրանի համար ռազմավարական նպատակ պետք է լինի հակամարտության համապարփակ ավարտը` դրա չվերսկսման երաշխիքներով: Այդպիսի երաշխիք է` Պաղեստինի, Լիբանանի և «Իսլամական դիմադրության առանցքի» խնդիրը և Իրանի նկատմամբ կիրառված պատժամիջոցների չեղարկմանը միասնական փաթեթով լուծում տալը։ Այս խնդիրները այն հիմնականն են, առանց որոնց համապարփակ կարգավորման, Իսրայելը միշտ պահպանելու է իր ագրեսիվ քաղաքականությունը Իրանի նկատմամբ, ինչը` հաշվի առնելով Իսրայելի ազդեցությունն ԱՄՆ էլիտաների վրա, կարելի է պնդել, որ կպահպանվի մշտական լարվածությունը, սադրանքները Իրանի նկատմամբ և պատերազմածին երևույթները։
Իհարկե, խնդրի համապարփակ լուծումը նաև անիմաստ կդարձնի «մահ Ամերիկային» սկզբունքը, ինչը տարածաշրջանի համար կդառնա նոր ուժային բանաձևումների սկիզբը:
Այս հակամարտությունը ցույց տվեց, որ Իրանը կարող է դառնալ տարածաշրջանում թելադրող դերակատար, գուցե` ավելին։ Համաշխարհային տեխնոլոգիաներին հասանելիությունն ու տնտեսական հնարավորությունները, որոնք ունի Իրանը, ինչպես նաև աշխարհագրական դիրքն ու քաղաքակրթական առանձնահատկությունները Իրանին կդարձնեն տարածաշրջանային տերություն, իսկ այս պարագայում բնականաբար կան կողմեր, որոնք ամեն գնով կփորձեն խոչընդոտել Իրանի զարգացման ընթացքին…
Ամեն դեպքում, Իրանը պատերազմից հետո նախկինը չի լինի, ու ամենայն հավանականությամբ կգործի կա‘մ ամեն ինչ, կամ ոչինչ սկզբունքը։
Խաղաղություն և բարգավաճում մեր բարեկամներին…»:
