Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ իր ուժերը հարված են հասցրել Քուվեյթի տարածքում տեղակայված, արձակման համար նախապատրաստված ամերիկյան HIMARS հրթիռային կայաններին, հաղորդում է IRIB-ը։
Իրանական աղբյուրների հաղորդմամբ, անօդաչու սարքերի ճշգրիտ հարձակման հետևանքով ոչնչացվել են արձակման կայաններն ու հրթիռային բեռնարկղերը, որոնք, ինչպես պնդվում է, նախատեսված էին Իրանի դեմ հարվածներ հասցնելու համար։
Որոշ ոչ պաշտոնական աղբյուրներ նաև հայտնել են երեք ամերիկացի զինծառայողի մահվան և մի քանի մարդու վիրավորման մասին, սակայն այդ տվյալները պաշտոնապես չեն հաստատվել։
Իրանական բանակը հայտարարել է, որ հակամարտության վերջին օրերին ամերիկյան HIMARS-ները կիրառվել են Իրանի հարավային ափին գտնվող օբյեկտներին հարվածներ հասցնելու համար։
Հաղորդագրության մեջ նաև նշվում է, որ իրանցի փորձագետները Պարսից ծոցի երկրներում՝ ներառյալ Քուվեյթը, Բահրեյնը, ԱՄԷ-ն և Կատարը, ամերիկյան սպառազինության տեղակայումը համարում են Իրանի դեմ ռազմական գործողություններին նրանց ներգրավվածության վկայություն։ Այս հայտարարությունները անկախ հաստատում չեն ստացել։
